მერილინ რობინსონი თანამედროვე ამერიკული პროზისა და ზოგადად, მსოფლიო ლიტერატურის ერთ-ერთი გამორჩეული წარმომადგენელია. დაიბადა 1943 წელს სენდპოინტში (აშშ). 1977 წელს ვაშინგტონის უნივერსიტეტში მას ფილოსოფიის დოქტორის წოდება მიენიჭა. წერა დაიწყო გვიან, დაახლოებით 40 წლისამ, თუმცა გამოქვეყნებულმა ოთხიოდე რომანმა და რამდენიმე ესეისტურმა კრებულმა მას არაერთი ლიტერატურული პრემია და საქვეყნო აღიარება მოუტანა. „მშობლიური კერა“ რობინსონის პირველი მხატვრული ნაწარმოებია, გამოცემული 1980 წელს. ავტორი გვიყვება ამერიკულ ოჯახზე, რომლის სევდასა და იმედში თანამედროვე მსოფლიოს სევდა და სასოება ირეკლება. რუთისა და მისი დის, ლუსილის ისტორია სცილდება პატარა, მიყრუებული ამერიკული დაბის საზღვრებს , კონტინენტის საზღვრებსაც კი და უაღრესად მგრძნობიარე, ზოგადსაკაცობრიო ნიშნულამდე აღწევს.
- ყდა
- თავფურცელი
- 1
- 2
- 3
- 4
- 5
- 6
- 7
- 8
- 9
- 10
- 11
